Þegar fyrir lá að Skúli Árnason, læknir í Skálholti segði embætti sínu lausu, þurftu hrepparnir sem að Grímsneshéraði stóðu, að finna stað fyrir nýjan lækni, enda ætlaði Skúli að búa áfram í Skálholti um hríð.
Á þessum degi er boðuð létting á takmörkunum vegna veiruskrattans og boðuð endalok tveggja ára baráttu við hana. Á þessum degi kemur einnig svo í ljós hvort íslenska handknattleikslandsliðið tryggir sér sæti á heimsmeistaramótinu að ári.
Þetta er góður dagur til að opna að enn einn þáttinn um læknishéraðið, en hann kallast Nýtt læknissetur.