KVISTHOLT 1983
Páll og Dröfn með börnum sínum 1996. Aftar f.v. Þorvaldur Skúli, Brynjar Steinn, Egill Árni. Fyrir framan Guðný Rut. (mynd pms)
Þetta býli var stofnað úr landi Hveratúns, en þegar Hveratún var stofnað á 5. áratugnum þurftu býli að hafa að minnsta kosti 3 hektara lands til að geta talist lögbýli þó svo 1 hektari dygði vel fyrir garðyrkjubýli.
Í byrjun 9. áratugarins fengu þau Páll Magnús Skúlason frá Hveratúni (f. 30.12.1953) og Dröfn Þorvaldsdóttir (f. 08.08.1956) 1 ha af landi því sem Hveratúni tilheyrði, í og fyrir neðan Kirkjuholt, vestan Skálholtsvegar, milli landa sem nú tilheyra Lyngási að sunnan en Kirkjuholti að norðanverðu.
Undir lok 9. áratugarins byggðu þau gróðurhús og stunduðu þar ræktun fram um aldamót meðfram öðrum störfum. Gróðurhúsið leigðu þau til hausts 2018.
Árni og Anna Margrét þegar þau tóku við lyklum að Kvistholti.
Páll og Dröfn eignuðust 4 börn sem eru: Egill Árni (f. 12.02.1977), býr í Reykjavík, Þorvaldur Skúli (f. 28.02.1979) býr í Álaborg í Danmörku, Guðný Rut (f. 27.03.1984) býr í Reykjavík og Brynjar Steinn (f. 16.10.1989) býr í Kaupmannahöfn.
Í lok maí árið 2020, seldu Dröfn og Páll Kvistholt og fluttu á Selfoss. Kaupendurnir voru þau Anna Margrét Elíasdóttir (f. 21.12.1961) og Árni Ingason (f. 12.03.1961)
Land 10003 fm
Íbúðarhús 1983/4: 180 fm
Gróðurhús 1988: 400 fm
Uppfært 05/2020